شرح تفصيلى للمبتدئين فى كيفية الربح من النت

الموضوع ببساطة بيتكلم عن انك ازى تكسب فلوس من النت وانا هعملة فى صيغة( س) و ( ج) عشان اجبلك الخلاصة وائبا مختصر


س: هل الربح من النت حقيقى ام نصب ؟

ج : الربح من خلال النت شىء حقيقى وانا نفسى جربتوا وكمان مكسبوا جامد بس مفيش حاجة من غير تعب على أد ما هتجتهد على أد ما هتكسب دى قاعدة خدها فى حياتك فى كل حاجة وعشان برضو أئبا صادق معاك وانا اقسم بالله مش بكدب فى اى كلمة هتقرها فى الموضوع دة كمل معاى بئا و أسئل وقولى



س: طب ازاى اكسب من النت ؟

ج : اهو كدة انت سئلت السؤال المهم اجوبك انا بئا فى حدودة صغيرة كدة لو سمحت اسمعها منى و استحملنى الشوية الجاين دول

بوص بئا ياعم انا صاحب شركة او صاحب مصنع او عندى موقع وعاوز ازود عدد العملاء بتوع الشركة وعاوز يئبا فى سحب جامد على المنتج المصنع بتاعى بينتجة وعاوز عدد زوار الموقع بتاعى يزيدوا وكل الحاجات دى لو ركزت فيها هتلقينى محتاج الناس عشان يئبو زوار للموقع ويشترو المنتج بتاعى و يئبوا عملاء عندى فى الشركة طب دة هيحصل ازاى ياباشا هيحصل من خلال انى اعمل حملة تسويقية واعلانية جامدة عشان الناس تعرف الحاجات دى فهقوم بعمل اعلانات وهستخم النت كوسيلة يجى هنا بئا دور الشركات الربحية تيجى الشركة من دول تقولك بص ياعم انت تدينى لينك الاعلان بتاعك وانا هخليلك مثلا 5000 واحد يدوسو على اللينك دة ويشوفوا الاعلان بتاعك بس هتدفعلى 80 $ طبعا انا ماهصدق وهقولوا موافق وهدفع ال 80 $ يجى هنا بئا دور الشركة وانها تخلى 5000 واحد من اعضائها يدوس على الاعلان هتقولى واية الجابر اعضائها انهم يدوسوا على الاعلانات دى هقولك ماهو انت تئبا اعضائها وقصاد كل اعلان هدوسو علية هتاخد حقو فلوس

يعنى شغلتك من الاخر انك هدوس على الاعلانات الفى شركة وهتاخد حقها فلوس
طبعا انت هتسئلنى دلوفتى وتقولى

س : طيب ازاى الفلوس دى اخدها تئبا فى ايدى يعنى ؟

ج : هقولك استنى شوية فى شوية حاجات لازم تعملها الاول عشان تكسب من الموضوع دة

ياعم اقول وخلصنا عايزنى اعمل اية بظبط ؟

ج : هقولك محتاج منك 4 حاجات وهما بالترتيب

1. اعمل اميل جديد على ال yahoo أو ال hotmail

2. هتعمل اكونت بالاميل العملتة على البنك الألكترونى alertpay هتقولى اية اليرت باى دة كدة انا هبدا مفهمش هقولك شرحو جاى بعدين استنى شوية

3. انك تشترك فى الشركات الربحية الهدوس فيها على الاعلانات بنفس الاميل العملتة فى اول حاجةو البية اشتركت فى البنك وبردة من خلالة هتشترك فى الشركات

4. مرحلة الانتشار يعنى تجيب ريفرال يامعلم وتنتشر لان الريفرال هو عصب الربح من الشركات الربحية وهشرحلك يعنى اية ريفرال بعدين

على فكرة الموضوع يعتبر لخصنا انا هاخد ال 4 حاجات دول وفصصهم لغايت موصلك انك تاخد الفلوس فى جيبك


اولا : انك تعمل ايميل على الياهو او الهوتميل

س : هو انا ممكن اشترك فى البنك والشركات باميل قديم ؟

ج: واللهى لا الاميل ولا الشركات ولا البنك هيقولك لا بس انا بقولك المفيد لان الاميل دة هيجيلك علية رسايل كتير من البنك والشركات ال انت هتشترك فيها فصعب انك تشترك بواحد قديم


بس قبل ماتروح تعمل الاميل اقرى الملحوظة دى

ملحوظة :لازم الاميل يكون مكون من ارقام وحروف بس يعنى متحطش رموز زى ( _ - .)



ثانيا : مرحلة التسجيل فى البنك الالكترونى


س: هو اية البنك الالكترونى دة ؟
ج : دة بنك بتحول فلوسك لية لما توصل للحد الادنى فى الشركات الربحية وهو نفسة البنك البيجبلك فلوسك لغايت عندك

س: يعنى اية حد ادنى وهيجبلى فلوسى ازاى ؟

ج : الحد الادنى دة هو الحد الوضعتة الشركة عشان لما توصلو تقدر تحول فلوسك على البنك يعنى مثلا انت مشترك فى شركة الشركة دى حدها الادنى 2$ وانت مش هتجمه ال 2 $ فى يوم واحد طبعا فأنت هتفضل تدوس على الاعلانات لغايت ماتوصل لل2$ هنا يئا تقدر تحول فلوسك

هيجيلك فلوسك ازاى دى هيتم شرحها بعدين بس لو سمحت يا باشا اصبر شوبة معلش انا عارف انى طولت وانك زهقت منى

س : طيب هو البنك دة مضمون ما انا ممكن احول فلوسى علية وميبعتش حاجة لية ؟
ج : البنك مضمون بنسبة مليون % دة بنك عالمى كندى معروف باسم البنك الاخضر طبعا فى بنوك تانية ممكن تتعامل معاها غيرة زي بنك paypal وبنك neteller و بنك libertyreserve دول يعتبر اشهر بنوك الكترونية ومضمونين بنسبة مليون %


س : طيب انت اشمعنة اخترت بنك alrtpay وقولتلنا نسجل فية ؟

ج : عشان بنك alertpay فية مميزات كتير هتعرفها فى مرحلة التسجيل فى البنك واهم ميزة والمخلينا هنشترك فية انة بيدعم البلاد العربية

س : طيب هو فين شرحة عشان اعرف مميزاتة وأشترك فية وأئبا خلصت نص المطلوب منى ؟
ج : هقولك ماشى يا باشا أتفضل لينك الشرح ( اضغط هنا)

ثالثا :مرحلة التسجيل فى الشركات الربحية

بعد معملت الاميل وسجلت فى البنك ابئا تسجل فى الشركات الربحية الهتحول الفلوس البتكسبها منها على البنك


هترجع وتقولى

س : طيب هى الشركات دى مضمونة مهى ممكن بعد ماوصل للحد الادنى متدفعش ؟
ج : هقولك اة عندك حق فعلا فى شركات كتير نصابة فى المجال دة وبتعمل كدة فعلا بس طبعا فى شركات صادقة بس مش أكتر من النصابين عشان كدة هم معروفين كويس وانا هقولك على أصدق الشركات الربحية ومضمونين بنسبة 100 % اسف بنسبة مليون %


بس قبل ما تسئل السؤال الجاى دة عاوزك تقرى



* بعض الارشادات الهامةاتفضل اللينك (أضغط هنا )

س : طيب هى فين الشركات دى الهشترك فيها خلينى اخلص انا زهقت منك ومن ارشاداتك انجز بئا ؟
ج: ماشى يا عم براحة علينا ماتزوئش واستهدى بالله كدا عشان كدة هنبدا الشغل بجد اتفضل دوس على اللينك دة وادخل سجل فى الشركات دى وموجود فى اللينك الشركات بشرحها وكيفية التسجيل فيها وترتيبها عالميا من حيث الربحية والمصداقية معا وأدى اللينك ( أضغط هنا )




رابعا : مرحلة الانتشار


طبعا انت عاوز تعرف يعنى أية ريفرال هقولك ياعم
افرض الشركة ذاد عليها عدد الاعلانات وعاوزة اعضاء جديدة عشان تدوس على كم الاعلانات الجالها عشان تنشرهم هتجيب اعضاؤ منين طبعا هتجيب اعضاء من خلالك يعنى من خلال اعضائها المشتركين فيها
هتسئلنى وتقولى

س : طيب هو انا هستفيد اية لما اجبلها ناس واتعب نفسى معاها ؟
ج : ما هو انت اصلا لو اعتمدت على الاعلانات بس يئبا مش هتكسب حاجةلان الضغطة على الاعلان بسنت واح يعنى 1/100 دولار
بعنى لو الشركة فيها مثلا 4 اعلانات فى اليوم يئبا انت هتكسب من الشركة الواحد 4 سنت يعنى لو اشتركت فى العدد الطبيعى وهو 15 شركة مثلا هتكسب فى اليوم 4 *15= 60 سنت يعنى 3 جنية بالمصرى فى يوم واحد بس يعنى ولا حاجة
لكن انت لو جبت ريفرال للشركة هتاخد على كل واحد كل يوم عمولة من الشركة حق انك جبتو يسجل تحتك فى الشركة

س : انا كدة بدات اضيع منك ممكن تفهمنى براحة يعنى اية اكسب منة والشركة هتعرف ان انا الجبت المشترك دة منين ولا غيرى لا جابو وهكسب منة اد اية ؟

ج: بص ناخدها واحدة واحد

هتكسب منة يعنى كل يوم هيدوس فية هو على الاعلانات انت هتاخد نسبة يعنى مثلا هو داس على اربع اعلانات وانت هتاخد نسبة 50% والاعلان بواحد سنت يئبا انت هتكسب عدد الاعلانت الهو هيدوس عليها * سنت فى والهيطلع تقسمة على 2

انما الشركة هتعرف مين الجابو من خلال الرابط بتاعك او البانر

س : هو اية البانر ولا الرابط دة ؟
ج : دة رابط انت بتاخدو من الشركة لما بتشترك فيها بتدعو بى الناس والبيدوس على الرابط دة ويشترك فى الشركة من خلال الرابط دة يئبا اشترك من خلالك وهتاخد فلوس على حسب النسبة وعدد الاعلانات الهيدوس عليها

يعنى حضرتك مطلوب منك انك تنتشر وتنشر اللينك بتاعك فى كل حتة عشان تجيب ريفرال يجوا تحتيك و دول طبعا هيئبو الدايركت ريفال لكن فى نوع تانى للريفرال وهو الرينتد ريفرال




س : هتقولى تب اية الفرق بينه واجيب ازاى الريفرال دول تحتى ؟


ج : بص يا عم ناخد اول نقطة وهى الفرق بينهم اول حاجة الدايركت ريفرال : الدايركت ريفال هو الريفرال المياشر يعنى الناس البتسجل فى الشركة عن طريق اللينك بتاعك البتدهولك الشركة اما الرينتد ريفرال دة الريفرال المؤجر يعنى الريفال ال انت هتأجرو من الشركة بفلوس لمدة معينة وهى شهر يعنى الفرق بينه ان الدايركت مبتدفعش فية فلوس ومعاك على طول اما الرينتد بتدفع فية فلوس عشان تاجرو ومعاك لمدة شهر بس عشان كدة انت مش بتحصل عليهم انت بتشتريهم يعنى معاك فلوس هتشتريهم ويعتبر الرينتد ريفرال هو البيوفرلك الدخل الثابت لان ممكن تاجر كميات كيبرة

تانى نقطة وهى طرق الحصول علي

* الدايركت ريفرال (اضغط هنا )


واخير بعد كل هذا ازاى اخد الفلوس فى ايدى
يعنى انا سجلت فى الشركات وعملت فلوس وحولتها على البنك وعاوز اخد فلوسى من البنك ازاى بئا هقولك فى 4 طرق وهم


الأولى : شركات تحويل الأموال زى ويسترنيونيون

الثانية : شركات الوساطة و دى مواقع بتحول فلوسك من البنك عن طريق التسليم باليد وتتميز هذة الطرقة بالسرعة


الثالثة : فودافون كاش وطبعا الخدمة للناس ال فى مصر بس فى ملحوظة الخدمة دى بتقفل وتفتح وهى دلوقتى مقفولة الله اعلم ممكن لما
انت تقرى الكلام دة تكون رجعت فتحت تانى




الرابعة : البريد المصرى زى شركة دهب


الخامسة : انك تعمل كريدت كارد انترنت بالدولار ب 50 جنية فى البنك الأهلى سويستة جينرال وتستلم الكارد وتسحب بية فلوسك دة لو سنك اقل من 18 سنة لو اكتر من 18 سنة استخدم فيزا كريدى اجريكول من بنك كريدى اجريكول ودى ب 15 جنية هتاخدها وانت واقف وأنا شخصيا بستخدم الطريقة دى لأنها سريعة ومضمونة ونسبة العمولة فيها مش كيبرة زى شركات الوساطة


*الموضوع الخاص بكريدت كارد البنك الاهلى المصرى سوسيستة جينرال





*الموضوع الخاص بفيزا كريدى اجريكول



السادسة : ان بنك alertpay يبعتلك فلوسك لحد باب بيتك بس الطريقة دى بتاخد وقت طويل



*حط الصفحة دى فى المفضلة لديك وخليها موجودة فى bookmarks أعمل ctrl + D وبعد كدة
اعمل done
عشان تئبا متسيفة عندك علطول لو احتجت حاجة او فى معلومة وقعت منك ترجعلها


* بعض المصطلحات بالغة الانجليزية للقدرة على التعامل مع الشركات ( أضغط هنا )




* وقبل ما تمشى وتسيب الموضوع خد اميلى ولو وقفت معاك اى حاجة كلمنى علطول

abdoalertpay@yahoo.com