زعلت من جوزى اوى ومش عارفه ليه بيعمل كده

السبت فبراير 25, 2012 6:49 am

استحملونى بس نفسى افضفض اوى

ومش عارفه ليه جوزى بيعمل كده معايا

دائما عاوز يفقدنى الثقه بنفسى

باسلوب غريب

والاغرب انى بسمع كلامه واصدقه!!

انا خسيت اربعين كيلو

وهو يقولى شكلك تخنتى شويه!!

اصبغ شعرى واقوله ايه رايك فلون شعرى

يقولى مخدتش بالى خالص انه متغير اصلا!!

بيقول عليا سمرا مع انى بيضا!!

مش فاهمه ليه مصمم يحسسنى انى وحشه

فحين ان الكل بيقولولى انى جميله

من زعلى منه لما قالى تخنتى

قلتله مش منتظره منك انت كلمه حلوه

انا عارفه ان جملتى تقيله بس قصدت اقولها

عشان يحس ان صعب اوى لما استنى منه كلمه حلوه ولو مجامله وهو رافض يقولها

وكمان بيقول عكسها

انا من خسسانى الناس بقت تشوفنى مش بتعرفنى

وهو يقولى تخنتى!!!

بقالنا عشر سنين متجوزين

وهو اكبر منى ب18 سنه

هل ده ممكن يكون سبب

يعنى بيحاول مثلا يفقدنى الثقه فنفسى

عشان مبقاش حاسه بنفسى؟

ياريت حد يقولى حل للى انا فيه ده

عشان انا زعلت وعيطت لما قالى انتى تخنتى

مش عشان تخن ولا خسسان

بس عشان مش منتظره منه هو كلمه جارحه