الحرية ما بعد الزواج !!

مساء الياسمين على عيونكم جميعا






كل البنات ليها اسبابها الخاصة في الاستعجال على الزواج
فيه الي بتحلم يكون لها بيت لوحدها مملكتها الخاصة يعني
تعمل فيه كل الحاجات الي بتحبها

وفيه الي بتحب الكتاكيت الصغيرين ونفسها يكون لها بنوتة شبهها
او ولد شبه باباه الي هي اكيد بتحبه وعايزة كل الناس تشبهه

وفيه الي بيكون هدفها الحرية والانطلاق والاستمتاع بالحياة
وتعويض الحرمان الي عايشاه في بيتهم وضغط الاهل والاخوات

انا عايزة اناقش معاكم السبب الثالث او الهدف الثالث من الزواج

وبصراحة انا استوحيت الفكرة من بنت قريبتي تقريبا
بنوتة جميلة اتجوزت من سنتين كده
وللاسف الي كان نفسها فيها مش اتحققلها
هي كانت عايزة الحرية الي اتحرمت منها من اهلها
بس لقيت جوزها لا يختلف عن اهلها اطلاقا
لدرجة انها انفجرت فيه في يوم بتقوله خنقتني
انا كنت مخنوقة في بيت اهلي بعدها عشت سنة في بيت اهلك
اتخنقت اكثر ودلوقتي بعد ما بقينا لوحدنا في بيتنا خنقتني بزيادة
لو سمحت مش تدخل في حيايا الشخصية والخاصة سبني اتنفس
انا بصراحة صدمني كلامها ده وهي بتحكيه ليا
بس رد جوزها خلاني اضحك لانه رد قالها نعم يا جارتي !!
عايزاني مش ادخل في حياتك الخاصة شكلك معتبراني جارك مش جوزك







للبنات
انتم بقى شايفين الحياة الزوجية عبارة عن ايه ؟
تأسيس مملكة خاصة وتواجد دائم بالقرب من الحبيب
الي هيبقى زوج

أم هروب من ضغط الاهل وحصارهم ومراقبتهم الدائمة ؟

او فيه اهداف تانية بتطمحوا ليها ؟


للشباب
ايه هيكون هدفك من الزواج ؟

ورايك ايه في البنت الي هدفها من الزواج اخد الحرية والتمتع بالحياة ؟
يعني انت جسر هتعدي عليه فقط مش اكثر