العوايد دوت كوم
البوابة
أحدث الصور
التسجيل
دخول
halaolfatعضو نشيط
- النقاط المكتسبه : 29
عدد الرسائل : 164
العمر : 40
الموقع : منتديات ميرنا شقاوه
تاريخ التسجيل : 24/01/2009
الشعبيه : 0 
خطواتك نحو الشياكة في شتاء 2009 -
الثلاثاء مارس 17, 2009 9:58 am
النهارده بنعرف حاجات جديدة جدا
وهي.....
تعالوا نشوف مع بعض هي إيه؟!
هنبدأ بالكلام عن الأحذية
باختصار شديد جدا الحذاء من القطع المهمة جدا علشان شياكتك
تكتمل في فصل الشتاء... بس لازم تاخدي بالك
من شوية الحاجات البسيطة دي وهي...
1. إن لون الحذاء يكون مناسب للون ملابسك يعني مثلا لو كنتي
هتلبسي ملابس بني يبقى لازم تلبسي حذاء لونه بني...
2. ماتحاوليش تمشي ورا الموضة اللي مش مناسبة ليكي وإنت بتختاري
حذائك وده لأنه باختصار شديد جدا راحتك تبدأ من
راحة قدميك... يعني مثلا مش لازم تختاري الحذاء اللي
ليه كعب رفيع جدا وإنت حاسة إن الحذاء ده مش هيريحك
ومش هيكون مناسب ليكي.
3. ماتحاوليش أبدا إنك تلبسي الحذاء من غير شراب؛
لأن ده هيكون متعب جدا لجلد قدميك،
ده غير إنه ممكن يسيب لك علامات سودة في رجلك.
وبالنسبة للموضة
بتلاقي في شتاء 2009 فرصة كبيرة جدا للتنوع والاختيار،
فهتلاقي ألوان متعددة وتصميمات متعددة،
سواء في البوت أو الهاف بوت، وبتتميز موضة الشتاء ده بظهور
بوتات بألوان متعددة زي الأحمر والسيلفر والنبيتي...
وكمان هتلاقي أشكال كتير زي..
البوت الجلد الطويل بلون السيلفر اللي بيعتبر من علامات الموضة والشياكة في شتاء 2009
زي ما كان البوت الشامواه موضة السنة اللي فاتت فهو برضه موضة في شتاء 2009
والبوت الأسود لسه محتفظ بجماله وشياكته
والهاف بوت سواء كان جلد أو شامواه كمان موضة في شتاء 2009
كمان الهاف بوت الجلد في شامواه موضة
وأهم ميزة بتميز شتاء 2009 هو ظهور أحذية بألوان جديدة زي النبيتي
لكن لو عايزة تبقي فعلا في قمة شياكتك يبقى اختاري الشكل ده.
.. وعلى فكرة الشكل ده مناسب أكتر للبنات
اللي بتلبس جوبات قصيرة..
والكوتشيات بألوانها المتعددة هي كمان موضة في شتاء 2009 وبتكون مناسبة للبنات اللي لسه في الجامعة
والأحذية الجلد العادية هي كمان موضة ممكن تلبسيها في شتاء 2009
وهنختم كلامنا بالكلام عن الشنط
قبل ما نتكلم عن موضة الشنط عايزاكي تاخدي بالك من شوية الحاجات دي:
1. إنك تشتري الشنطة المناسبة للاستايل العام للبسك يعني لو هتلبسي
كاجوال تبقى الشنطة لازم تكون كاجوال
وماينفعش معاها الكلاسيك...
لكن لو هتلبسي كلاسيك يبقى امسكي شنطة كلاسيك..
2. لازم تاخدي بالك إن لون الشنطة يكون مناسب للون الحذاء
اللي إنت هتلبسيه علشان كده دايما بننصح إنك تشتري الحذاء
الأول وبعد كده تشتري الشنطة مش العكس.
3. مش لازم لون الشنطة يكون نفس لون الملابس،
لكن لازم يكون مناسب ليها بشكل كبير جدا.
4. راعي في اختيارك للشنطة إنها تكون ماشية مع حجم جسمك
وهاقول لك إزاي: يعني لو كنتي....
رفيعة وقصيرة... يبقى الشنطة المناسبة ليكي هي الشنطة الصغيرة
وبإيدين قصيرة.
لكن لو كنتي صاحبة أرداف عريضة... فأحسن إنك تختاري
الشنطة القصيرة متوسطة الحجم...
أما لو كنتي رفيعة وطويلة.. فأحسن حاجة إنك تختاري الشنطة الكبيرة واللي إيديها قصيرة لأن الشنطة الطويلة هتكسبك طول أكتر.
لكن لو كان جسمك ممتلئ.. فأنسب شنطة ليكي هي الشنطة الكبيرة
واللي إيديها متوسطة الطول، يعني الشنطة تكون واصلة لمنطقة "الوسط".
وبالنسبة للموضة
هتلاقي إن الأسود
والبني هما ملوك الموضة في كل الأوقات طبعا بالإضافة إلى البيج
بدرجاته.... وزي ما كانت الشنطة السيلفر موضة في الصيف فالشنطة السيلفر
برضه موضة في شتاء 2009.
وبالنسبة للخامات هتلاقي شنط بخامات متنوعة زي "الجينز" و"الشامواه" و"الجلد" طبعا.
ودي مجموعة مختلفة من التصميمات ممكن إنك تبصي عليها
صلاحيات هذا المنتدى:
لاتستطيع الرد على المواضيع في هذا المنتدى