محمد حامد حسين يكتب: أنا الرئيس المنتظر

محمد حامد حسين يكتب: أنا الرئيس المنتظر

الجمعة، 2 مارس 2012 - 09:39
دعاية انتخابية دعاية انتخابية
Add to Google

أنا الرئيس المنتظر
هانور لكم مصر بقمر
وهاخللى نهر النيل ده سكر
ومن حبكم يحلى السهر
أنا مش بألف ولا أهيس
ده طبعى وأنا طبعى كويس
هاعمللكم دخل إضافى
هايبقى2000 وده صافى
ولكل واحد عربية
بس اللى ياكل خفافى
أنا الرئيس المتمكن
والشباب كله هايسكن
فى الرحاب أو فى أكتوبر
وها يبقوا راكبين مينى كوبر
أنتوا الأساس أهلى وناسى
هأخدم صغير قبل كبير
ولو حكمت خدوا أنفاسى
مش هايبقى فى حاشية ومحاسيب
كله هاينتج هنا ويجيب
ومافيش لاواسطة ولاكوسة
ولاتأخير مصالح ولاحوسة
هاتبقى باينة ومدروسة
ولافيه فلان عشان ابن فلان
بشغللك ابنى وعللى كمان
وكل مصر هاتشهدلك
ويقولوا عاش الفنان
أنا الرئيس أنا الفارس
ولمصالحكم أنا حارس
وعلى العدو معاكم دايس
أنا الرئيس وما فيش غيرى
طول عمرى قلبى على طيرى
بحب بلدى وترابها
ومين اللى يقدر يحاربها
أنا الرئيس واتفضل شوف
كل الدفاتر على المكشوف
وكمان إقرار ذمة مالية
وكشف الحساب بالممتلكات
ودفتر شيكاتى البنكية
أنا مش هاكوش ولاأحوش
ولايوم أنا هاقدر أطنش
اللى عايزنى يلاقينى
وأشيلوه فوق رأسى وعينى
هأعمل وزارة للنوبة
وكل خطوة محسوبة
وهانبنى تانى طوبة طوبة
وهاعمل كمان وزارة لسينا
أجمل مكان فى أراضينا
وبايدنا نبنى وهانعمر
وبالنور هانكتب أسامينا
هاصدر قرار عفو رئاسى
عن كل مظلوم أو مجبور
واللى عاش عمره ورا السور
مافيش لاظلم ولاتلفيق
ومعايا كله أكيد مسرور
وهاخصص أنا يجى كام فدان
هأزرعهم طوفى على لبان
للى عايز يتسللى
ياكل براحته ويطرقع
والكل صوته هايسمع
مافيش لاصرخة ولاأهات
ولا أى حد هايدمع
أنا الرئيس الحرية
يحميك يامصريا غالية
يا حبيبتى يا أم الدنيا